بەڵگەکانی ژیانی دواڕۆژ

زانیاری دەربارەی بەرهەم

 بەڵێ، هەر لەجیهانی بوونەوەرە زەبەلاحەكانەوە بۆ جیهانی بوونەوەرە ئاساییەکان و لەوێشەوە بۆ جیهانی بوونەوەرە ورديلەكان شاهیدی بوونی دانایی و سوود و بەرژەوەندییەکی وەهاین کە تەواوی جیهانی داپۆشیوە. ئەو مرۆڤەی کە لەنێو تەواوی ئەم جیهانانەدا بەڕێزترین بوونەوەر و خاوەنی لیهاتوویی بوونە بژاردەترین دروستكراوە، كاتێك لەم دونيايەدا تەنها لەڕوانگەی دیوی ماددە و جەستەوە به هەزاران دانایی و حیکمەت ڕازێنراوەتەوە، ناکرێت هێندە داماو و بێدەرەتان بیت تەنها بۆ ژیانێکی چوار پینج ڕۆژیی دونیا هاتبیت و پاشان مەحکوم بەمەرگێك بكرێت کە زیندووبوونەوەی لەدوا نەبیت.

ناكرێت بير لەوە بكرێتەوە ئەو دونیایەی تەنانەت ناتوانێت لەڕوانگە ماددییەکەشەوە دڵنیایی و ئاسوودەیی بەمرۆڤ ببەخشێت و وەڵامی داخوازییەکانی بداتەوە، بتوانێت وەڵامى ئەو توانایی و لیهاتووییانەی وەك خەيال و ئارەزووی هەمیشەیی بوون بداتەوە کە تەواوی بوونیان داپۆشیوە. بەو پێیەی هەر لەسەرەتاوە پوچ نەبوون و بێبەها نەبوونی هەستەکانی مرۆڤمان قبووڵکردووە، بۆيە ئەو مرۆڤەى لەم ژیانەدا هەست و ئارەزووی ژیانی نەبڕاوە و هەمیشەیی بوونی بەدی نایەت، بەدڵنیاییەوە وەڵام و پاداشتی ئەم هەستانەی کەلەسەر بنەمای داناييەك پێى بەخشراوە، لە جیهانێکی دیکەدا وەردەگرێت.