فەتحوڵڵا گولەن دید و پرسی کورد

زانیاری دەربارەی بەرهەم

بۆچی فەتحولڵا گولەن؟

ئەو میژوونووسانەى لەئایندەدا میژووی دنیای هاوچەرخ تۆمار دەکەن، بێ هیچ گومانێك جێ دەست و شوینەواری هزری فەتحولڵا گولەن بەرز دەنرخينن.

گولەن دەڵێت : ماف و ئازادییەکانی مرۆڤ، شتانێك نين کەسانێك ياخود هێزانێك بيانبەخشن، هەر بۆیە شتانێك نين كە لە کەسانی ترەوە چاوەڕێ بكرێن، بەڵکو ئەمانە كۆمەڵە ماف و ئازادییەکن کە پەروەردگاری بەدیهێنەر و ژێنەرمان وەك مرۆڤ بەخشیویەتی به هەموومان.

پیشکەوتن و بەرەو پێشچوونی هەر نەتەوەيەك، بەڕای گولەن، بەندە بە پەروەردەکردنی تاکەکانی ئەو نەتەوەيە لە ڕووی فکری عاتیفیەوە. هەر بۆیە ئەستەمە ئەو نەتەوانە پێش بکەون کە فیکر و ڕۆشنایی دەروون لە تاکەکانیاندا گەشەی نەسەندووە.

گەلان لەڕێى ئەوەی نوێوە بەردەوامی بە بوونی خۆیان دەدەن. هەر گەلێك دەيەوێت دڵنيابێت لە ئايندەی خۆی، ئەوا هێندەی ئەو كات و وزەيەی لەملا و ئەولادا خەرجی دەکات، پیویسته هەندێ لە تواناکانیشی لە پەروەردە و پێگەیاندنی توێژی منداڵان و لاوانیشیدا خەرج بکات کە دەبنە گەورە پیاوانی سبەی.

فەتحولڵا گولەن بە وەڵامە كۆنەكان ڕازی نییە، ئەو وەڵامی تازەی دەوێت بۆ پرسیارە تازەکانی سەردەم. ئەو داوای بەخۆداچوونەوە و ڕەخنە لەخۆ گرتنێکی بويرانە لە جیهانی ئیسلامی دەکات، بۆ ئەوەى لەو دواکەوتنە ڕزگاریان بێت کە تێیکەوتوون…