لە سێبەری باوەڕدا -٣

زانیاری دەربارەی بەرهەم

مرۆڤ، زانستی ڕاستەقینە بە خوێندنەوەی گەردوون و
قورئان بەدەستدەهێنێت و، لە ئەنجامی ئەم زانستەشدا
خۆی دەناسێت، یاخود بە ڕێگایەكی جیاواز سەرەتا
خۆی دەناسێت و، پاشان گەردوون و قورئان دەخوێنێتەوە.
گەردوون و زانستەكان و قورئان بەوێنەی ڕوانینی
مرۆڤێك بە هەردوو چاوی، لە ئاسۆدا و لە خاڵێكدا
بەیەكدەگەن. هەروەك چۆن چاوەكانی مرۆڤ ناتوانن
سەربەخۆ هەریەكەیان تەماشای شتێك بكەن و خاوەنی
ڕوانینێكی جیاواز بن، بەهەمان جۆر قورئان و زانستە
ڕاستەقینەكانیش ناتوانن لە یەكتر جیاوازبن و داببڕێن.