نووری نەمر-١-

زانیاری دەربارەی بەرهەم

باسکردنی کەسایەتیی بەرز و ناوازەی حەزرەتی موحەممەد مستەفا ( صلى اللەعليە وعلى آلە وصحبە وسلم )، زياد لەباسکردنیش پێشکەشکردنی وەك چارەيەك بۆ ڕزگاریی مروڤایەتی و، ئيكسيرێك بۆ دەردە ناسۆرەکانی، هەروەها ناساندنی ژیانی موبارەکی بەشێوەيەك شایستەی ئەو زاتە مەزنە بێت، لەو بابەتە گرنگانەیە، کە وەك زۆر کەسی تر بینای هزر و هەستی منیشی خستبووە ژێر فشارەوە، لە هەموو ڕوویەکەوە ببووە خواست و خولیایەکی بەرنەگیراو…

ئەو ( عليه افضل الصلاة وأتم التسليم ) مایەی شانازیی مروڤایەتییە و ئەوەتا چواردە سەدەيە لە سەرانسەری دنیادا گەورەترین بیرمەند و کەڵە فەیلەسوف و ئەو زانا و ڕووناکبیرانەش کە هەریەکەیان ئەستيرەی گەشی ئاسمانی هزر و بیرمانن، لەدوايەوە دەستە نەزەر وەستاون و، لەڕوویدا دەڵێن : تۆ ئەو مرۆڤەیت کەشانازی بەشوێنکەوتەييتەوە دەکەین.