وەڵامدانەوەی پرسیارە سەردەمييەكان -٣-

زانیاری دەربارەی بەرهەم

محمد فەتحوڵڵا گولەن مروڤ بە ئیمانەکەی ناو دڵی ئیماندارە، نەك بە تۆپەڵی زانیارییەکانی ناو كەلەی. لەبەر ئەم هۆیە، دوای ئەوەی کە مرۆڤ به هۆی بەڵگە دەروونی و ئاسۆییەکانەوە بۆ ئاستێکی دیاریکراو بەرزبووەوە، ئەگەر لەچۆنێتیی گوێرەیی و ڕێژەیی ئەم بەڵگانە ڕزگاری نەبێت، ناتوانێت هەنگاوێکی دیکە پێشبکەوێت. دەبێت لەم خاڵەدا دەست لە هەموو ئەمانە بشوات و ڕاستەوخۆ لەژێر ڕۆشنایی قورئاندا و بەڕێگەی نوورانیی دڵ و ویژداندا بڕوات. تەنها ئەو کاتەش بەڕووناکی دەگات. بیرمەندێکی ڕۆژئاوایی دەڵێت ” بۆ ئەوەی بەشێوەیەکی شایستە بەخۆی باوەڕ بەخوا بهێنم، هەستم کرد پێویستە هەموو ئەو کتێبانە فەرامۆش بکەم کەخوێندوومنەتەوە. ” بێگومان هەريەك لەكتێبى گەردوون و، ! کتێبی ماهییەتی مرۆڤ و پاشان ئەو کتێبانەی کە ئەمانە ڕووندەکەنەوە بەها و نرخی تایبەت بەخۆیان هەیە. بەڵام ئەمانە لەدوای ئەوەی کە ئەرکی خۆیان بەجێهێنا، مرۆڤ پێویستە خۆى لێيان قوتار بكات و لەگەڵ ئیمانەکەیدا بەتەنها بمێنێتەوە. هەموو ئەم شتانەی باسمان کرد تا ڕادەيەك وابەستەی ئەزموونن. لەوانەيە بۆ كەسانێك كە لە ئەزموونی ویژدانیدا قووڵ نەبوونەتەوە ئەم شتانەی باسیان دەکەین وەکو شتانی زارەکی دەربکەون. بەڵام ئەو ڕۆحانەی کە تاسەمەندی پەروەردگارن و شەوانیشیان وەکو ڕۆژ ڕووناکە باش دەزانن چی دەڵێین!…