پێوەر یان ڕوناکییەکانی ڕێگا

زانیاری دەربارەی بەرهەم

مامۆستا محمد فەتحوڵڵا گولەن خاوەنی وردەكارییەكی ناوازە و تایبەتە لە دەربڕینی بۆچوونەكانیدا و ئەم شاكارەش –كە دەكرێت بە یەكێك لە گرنگترین دەلاقەكانی سەر ئاسۆی دونیابینیی ئەو دابنرێت– لە بەرجەستەترین نمونەكانی ئەو وردەكارییەیە. كتێبی “پێوەر یان ڕوناكییەكانی ڕێگا” وەك ڕێبەرێكە كە نووسەر لە پاشخانی هزری ڕەسەنی جیهانی بیرمانەوە و لە گۆشەنیگا سەردەمییانە تایبەتەكەی خۆیەوە دەیداتە دەست ڕێبوارانی ڕێی گەیشتن بە كەماڵ و خزمەتی مرۆڤایەتی، تا لەسەروبەندی ئەم گەشتە بەرەو ئەبەد درێژبووەوەدا زامنی دروست هەنگاونان بێت و، پارێزەری لە شاڕێ لادان. تێیدا ڕۆشنایی دەخاتە سەر ئەو ئاماژانەی ڕێگا كە بۆ گەیشتن بە ئامانج پێویستە بەگوێرەیان هەنگاو هەڵبگرین و، پێوەری مامەڵەیەكی دروست و سەركەوتووشمان لەگەڵ گرنگترین كایەكانی ژیاندا دەخاتە بەردەست تا بێ خزان و لادان بگەینە مەنزڵ.