بەرەو دونیاکەمان

زانیاری دەربارەی بەرهەم

ەبەرامبەر ئەوەدا كە كەسانێك بابەتەكانی وەك ماف و دادپەروەری و یەكسانییان وەك ئامڕازێك بەكارهێناوە بۆ گەیشتن بە كۆمەڵێك ئامانجی دیاریكراو یان چەشنی هۆكارگەلێك لێیان ڕوانیون بە ئامانجی بەدیهێنانی جیهانبینییەكی دیاریكراو، ئیسلام لە خاڵی یەكتربڕی نێوان بەختەوەریی خەڵك و ڕەزامەندیی خوای گەورەدا مامەڵەی لەگەڵ ئەم بەها جیهانییانە كردووە و، پێكەوە داواكارییەكانی بەدیهێنەر و بەدیهێنراوانی هێناوەتەدی. ئەو داوای هەمان ئەم تێگەیشتن و جیهانبینییەش لە موسڵمانان دەكات, لەم ڕووە ئەگەر موسڵمانانی ئەم ڕۆژگارە لە ئاستی هەستیاریی ئەم بابەتەدا بن و، كاتێك بە زار “ماف” و “دادپەروەری” و “یەكسانی” دەڵێن، ئەم بەها باڵایانە نەكەن بە ئامڕازێك بۆ داخوازییە جەستەیی و نەفسییەكانیان و، ڕەزامەندیی خوایی بكەن بە ئامانجیان، ئەوا ئەگەر ئەمڕۆش نەبێت بێگومان سبەی، دەگەن بە پێگەیەك كە هەموو كەسێك ئیرەییان پێببات.