وەڵامدانەوەی پرسیارە سەردەمییەکان -١

زانیاری دەربارەی بەرهەم

لەم جیهانەدا هەم لەدایكبوون و هەم مردنیش وەك پێشانگا و تاقیكردنەوەیەك وان. هەموو ئافەریدەیەك كە دێتە بوون، بەڵگە و دیلمانجی “بوون”ێكی پەنهانە و، ئاوابوونیشی لە كاتی خۆیدا بەڵگەی ئەبەدییەت و جاویدانیی ئەو دەسەڵاتە پەنهانەیە كە دەستپێكی نییە. بەڵێ، ئێمە و هەموو شتێكی چواردەوریشمان بە هاتنە بوونمان، بوونی زاتێك دەردەخەین، بە بینین و بیستن و زانستیشمان، بینین و بیستن و زانستی ئەو پیشان دەدەین، كاتێكیش كە لەگەڵ هەموو ئەوانەدا كە پێكەوە هاتبووین، دەڕۆین و هەموو ئەو شتانە بەجێ دەهێڵین كە بە كۆڵمانەوە بوو، یەك یەك ئاوا دەبین و نایەینەوە. بەمەش “ئەو”ێكی تاك و تەنهای غەیبی پیشان دەدەین. “ئەو” ئەو كەسەیە كە “هەر خۆی مردن و ژیانی بەدیهێناوە، تا تاقیتان بكاتەوە كە كێتان كردەوەی چاكتر و پەسەندترە.”