پۆرترێتی نەوەیەکی خاوەن بەها

زانیاری دەربارەی بەرهەم

پەروەردەكارێك ( چ ژن بێت یان پیاو ) کە لەسەرچاوەیەکی دروستەوە پەروەردە نەكرابێت وەك ئەو نابینایە وایە کە ڕێنموونی خەڵك بكات و ڕێگایان پێ نیشانبدات . سەرچاوەی کەمئەدەبی منداڵ ئەو کەشە نائارام و تێکەڵەیە کە لە منداڵيەوە هاتووە و پەرەردە بووە. ناڕێکی لەجووڵە و بیرکردنەوە و سۆزی خێزان ڕاستەوانە کاریگەری نەرینی لەسەر ڕۆحی منداڵ جێدەهێلێت …

داهاتووی هەموو مرۆڤێك پەيوەندی ڕاستەوانەى لەگەڵ منداڵی و گەنجیی ئەو مرۆڤەدا هەیە و لەژێر کاریگەری ئەو پەیوەندییەشدایە. گەر منداڵ و گەنجەکانمان لەكەشێكدا پەروەردەبکرێن کەفیری بەها و نموونەباڵاکانی ژیان ببن و ڕووی زیهنی و لۆجیکیشەوە بگەیەنرێن بە قووڵاییەکانی بیرکردنەوە و ئەخلاق و فەزیلەت ، گومانی تیدا نییە هەر لەم سەرەتایەوە باشترین کاندیدەیت دەبن بؤئەوەى مرۆڤی نموونەییان لێدەرچێت.