چۆن پاکیزەیی چاوم بپارێزم

زانیاری دەربارەی بەرهەم

زۆر میکرۆب و ڤایرۆس هەن کە ناویان لەگەڵ مردندا دەبرێت. کاریگەرترین ڕێگەی جەنگ لەگەڵ ئەم جۆرە میکرۆب و ڤايرۆسە کوشندانەدا، بێگومان ڕێگریکردنە لە هاتنە ناوەوەيان بۆ ناو جەستەمان. تەنانەت لەپێناو پاراستنی تەندرۆستیماندا، گرنگترین بنچینە بریتییە لەوەی تا پێمان دەکرێت خۆمان بەدوور بگرین لەو شوێنانەی ئەگەری بوونی ئەم جۆرە ڤايرۆسانەیان لێ دەکرێت.

 ئایا ئەو ڤايرۆسانە دەناسین کەئیفلیجکەر و کوشندەن بۆ ژیانی مەعنەوی و دڵ و ڕۆح و تەنانەت نەفسمان؟ تا چەندێك بەرامبەر ئەو ڤايڕۆسانە هەستیارین کەدڵمان تاريك دەكەن و، ڕۆحمان دەپووكيننەوە؟ كاتيك جەستەمان ڕووبەڕووى نەخۆشييەك دەبێتەوە، گەر ڕێگە خۆش بكرێت بۆ ئەو بارودۆخانەی چارەسەری نەخۆشییەکە سەختتردەکەن، بچوکترین هەڵامەت دەبێتە ئەنفلۆنزا و ئەنفلۆنزاش دەبیته هەوکردنی سییەکان و ئەویش دواجار بەرەو مردن دەیداتەبەر، به هەمان شێوە ئەو گوناهانەی بە بچوك دەيانبینین و، تەوبەیان لەسەر ناکەین و لەپاش ئەنجامدانیان ناچینەسەر ڕێی خاوێنبوونەوە، ڕەنگە لایەنی مەعنەويمان تێك بشكێنن و بەرەو هەڵدێرمان ببەن.